पूर्व वरिष्ठ प्रहरी अधिकृत (एसएसपी) विक्रम सिंह थापाले नेपाली कांग्रेस परित्याग गर्दै राष्ट्रिय स्वतन्त्र पार्टी (रास्वपा) बाट प्रतिनिधिसभा सदस्य पदका लागि उम्मेदवारी घोषणा गर्नुभएको छ। उहाँ क्षेत्र नम्बर २ बाट चुनाव चिन्ह ‘घण्टी’ लिएर चुनावी मैदानमा उत्रिनुभएको हो।

Advertisement 1

लामो समयसम्म सुरक्षा निकायमा रहेर काम गरेका थापा सुशासन, कानुनी शासन र जनमुखी प्रशासनका पक्षपाती व्यक्तित्वका रूपमा परिचित छन्। परम्परागत राजनीतिक शैलीबाट असन्तुष्ट हुँदै आफूले नयाँ सोच र नयाँ राजनीतिक धारको प्रतिनिधित्व गर्ने पार्टी रोजेको उहाँको भनाइ छ।

राष्ट्रिय स्वतन्त्र पार्टीले अघि सारेको पारदर्शिता, जवाफदेहिता र पुरानो राजनीतिक संस्कारको अन्त्य गर्ने एजेन्डाले आफूलाई आकर्षित गरेको थापाले बताउनुभयो। क्षेत्र नम्बर २ का मतदातामाझ उहाँको उम्मेदवारीलाई अनुभव, इमानदारी र परिवर्तनको प्रतीक का रूपमा हेरिएको छ।

Advertisement 2

यसपटकको चुनावमा थापाको प्रवेशसँगै क्षेत्र नम्बर २ को राजनीतिक समीकरण थप रोचक बनेको छ।