Advertisement 1

रुपन्देही — टग अफ वार खेलका अन्तर्राष्ट्रिय खेलाडी तथा राष्ट्रिय निर्णायक निखिलेश कुमार मिश्रलाई २०८२ साल जेठ १९ गते लुम्बिनी प्रदेश टग अफ वार संघको प्राविधिक समिति प्रमुखमा मनोनयन गरिएको छ।

२३ वर्षीय मिश्र हाल St. Jude’s English Boarding School मा शिक्षक तथा ICT इन्चार्जको रूपमा कार्यरत छन्। उनले टग अफ वार खेलको माध्यमबाट देशलाई अन्तर्राष्ट्रिय स्तरमा प्रतिनिधित्व गरिसकेका छन्। यो जिम्मेवारीसँगै उनी खेल र शिक्षाको दुवै क्षेत्रमा सक्रिय योगदान दिइरहेका छन्।

Advertisement 2

उनले यस महत्वपूर्ण उपलब्धिको श्रेय आफ्नो आराध्य देव बजरंगबली र आफ्ना पिता श्री गिरीराज मिश्रको कठोर संघर्षलाई दिएका छन्। मिश्र भन्छन्, “आज म जहाँ छु, त्यसमा मेरो बाबाको अथक मिहिनेत र बजरंगबलीको कृपा प्रमुख कारण हुन्।”

उनको सफलता यात्रामा उनको विद्यालय, कलेज, शिक्षक, उनलाई मनदेखि माया गर्ने शुभेच्छुहरू र सबै राजनैतिक व्यक्तित्वहरूको पनि महत्वपूर्ण योगदान रहेको उनले बताएका छन्।

“म सबैप्रति दिलदेखि आभार व्यक्त गर्न चाहन्छु। आगामी दिनहरूमा पनि सबैको साथ र सहयोगले टग अफ वार खेल र यसमा संलग्न सबैको प्रतिष्ठालाई अझ माथि पुर्‍याउन म प्रतिबद्ध छु,” मिश्रले प्रतिबद्धता जनाए।

उनको यो नियुक्तिलाई लुम्बिनी प्रदेशमा खेलकुद, विशेषगरी टग अफ वार खेलको प्राविधिक स्तरमा थप सशक्त बनाउने अवसरका रूपमा हेरिएको छ।