शुद्धोधन गाउँपालिकाको निर्माणाधीन अस्पताल भवनमा गुणस्तरको नयाँ आश्वासन, अध्यक्ष आफैँ अनुगमनमा

Advertisement 1

शुद्धोधन (कपिलवस्तु), — शुद्धोधन गाउँपालिका वडा नं. ३, लबनीमा निर्माण भइरहेको १० शैय्यको अस्पताल भवनमा पहिले उठेका गुणस्तरसम्बन्धी गुनासोहरूबारे गाउँपालिका अध्यक्ष कमलेश शरण चौधरी आफैँ अनुगमनमा पुग्नुभएको छ।

Advertisement 2

स्थानीयहरूले केही दिनअघि निर्माणाधीन भवनमा गुणस्तरहीन ईँटा प्रयोग भइरहेको आरोप लगाएका थिए। सो आरोपपछि प्राविधिक टोलीद्वारा गरिएको प्रारम्भिक अनुगमनमा दोयम स्तरका ईँटा प्रयोग भएको पुष्टि भएको थियो। त्यसपछि अध्यक्ष चौधरीले तत्काल काम रोक्न र गुणस्तरीय सामग्री मात्र प्रयोग गर्न निर्देशन दिनुभएको थियो।

आज पुनः केही स्थानीयबाट ईँटा, काठ, बालुवा र सिमेन्ट जस्ता सामग्रीहरू गुणस्तरहीन रहेको गुनासो आएपछि अध्यक्ष चौधरी आफैँ साइटमा पुगेर अनुगमन गर्नुभयो। अनुगमनका क्रममा उहाँले हातमै हथौडा लिएर ईँटाहरू फोरेर जाँच गर्नुभएको थियो। उहाँले सिमेन्ट, काठ तथा अन्य सामग्रीहरू पनि प्रत्यक्ष अवलोकन गरी अनुगमन गर्नुभयो।

अध्यक्ष चौधरीले अनुगमनपछि मिडियासँग कुरा गर्दै भन्नुभयो: “यस पटक निर्माणमा कुनै पनि गुणस्तरहीन सामग्री प्रयोग भएको देखिएको छैन। केही व्यक्तिहरू व्यक्तिगत स्वार्थका लागि गलत प्रचार गरिरहेका छन्। यो अस्पताल सम्पूर्ण जनताको हो, म आफ्नो व्यक्तिगत फाइदाका लागि बनाई रहे को होइन, जनताको सेवा र हितका लागि अस्पताल निर्माण गरिरहेको छु।”

उहाँले थप स्पष्ट पार्नुभयो कि अहिले अस्पतालमा प्रयोग भइरहेका काठ सेखुवाको उत्कृष्ट काठ हो भने ईँटा पनि चाइनिज गुणस्तरका प्रयोग भइरहेका छन्।

अध्यक्ष चौधरीले मिडियालाई समेत खुला रूपमा अस्पतालको काम हेर्न आह्वान गर्दै भन्नुभयो: “यहाँ कुन सामग्री गुणस्तरहीन छ, आफैँ आएर हेर्नुस्। मेरो प्रतिबद्धता छ, म गुणस्तरहीन काम हुन दिनेछैन। म जनताप्रति जिम्मेवार छु।”

स्थानीयहरूबीच केही आरोपहरू रहेको भए पनि अध्यक्षको प्रत्यक्ष संलग्नता र खुला अनुगमनले कामको पारदर्शिता कायम गर्न सकारात्मक सन्देश दिएको देखिएको

वीडियो ताला छ 👇👇