गण्डकी प्रदेश प्रहरी प्रमुख डिआईजी दिनेश आचार्यले पर्वतमा निरीक्षण गर्दै प्रहरीलाई चरित्रवान्, अनुशासित र नागरिकमैत्री सेवा प्रवाह गर्न निर्देशन दिएका छन्।

Advertisement 1

डिआईजी दिनेश आचार्यद्वारा पर्वतमा निरीक्षण तथा प्रहरीलाई उच्च मनोबलका साथ कार्य सम्पादन गर्न निर्देशन

Advertisement 2

पर्वत, गण्डकी प्रदेश

गण्डकी प्रदेश प्रहरी कार्यालय, पोखराका प्रमुख प्रहरी नायव महानिरीक्षक (डिआईजी) दिनेश कुमार आचार्यले आफ्नो निरीक्षण भ्रमण अन्तर्गत जिल्ला प्रहरी कार्यालय, पर्वतमा पुगेर निरीक्षण तथा निर्देशन कार्यक्रम सम्पन्न गर्नुभएको छ।

निरीक्षणको क्रममा उहाँले कार्यालय परिसर, व्यारेक, मेस तथा सम्पूर्ण शाखाहरूको स्थलगत अवलोकन गर्नुभयो। त्यसक्रममा पर्वत जिल्लामा कार्यरत सम्पूर्ण प्रहरी कर्मचारीहरूसँग प्रत्यक्ष संवाद गर्दै उहाँले प्रहरी सेवामा उच्च नैतिकता, सकारात्मक सोच, व्यावसायिकता, अनुशासन र कर्तव्यनिष्ठता आवश्यक रहेको उल्लेख गर्नुभयो।

उहाँले भन्नुभयो,

> “प्रहरीले चरित्रवान्, व्यावसायिक र अनुशासित हुनुका साथै नागरिकमैत्री सेवा प्रवाहमा केन्द्रित रहनुपर्छ। सोच सकारात्मक र ठूलो हुनुपर्छ। सबै कार्यमा जिम्मेवारीपूर्वक दुरुस्तता कायम गर्दै सहकार्य र समन्वयमा जोड दिनुपर्छ।”

डिआईजी आचार्यले प्रहरी संगठनलाई बलियो बनाउन सामुहिक भावना, पारदर्शिता र सेवा भावना आवश्यक भएको बताउँदै कर्मचारीहरूलाई उच्च मनोबलका साथ कार्य सम्पादन गर्न प्रेरणा र हौसला प्रदान गर्नुभएको थियो।

उनको यस भ्रमणले पर्वत जिल्ला प्रहरी कार्यालयमा कार्यरत प्रहरीहरूमा नयाँ उत्साह, आत्मबल र सेवा प्रतिबद्धता थप बढेको प्रतिक्रिया दिइएको छ।