कृष्णनगर, कपिलवस्तु।
Advertisement 1
कृष्णनगर नगरपालिकाको भावी मेयर पदका आकांक्षी इन्जिनियर दिनेश जायसवालले समृद्ध, व्यवस्थित र नागरिकमैत्री कृष्णनगर निर्माण गर्ने लक्ष्यसहित आफ्नो विकास दृष्टिकोण सार्वजनिक गरेका छन्।
उनले नगरको समग्र विकासलाई प्राथमिकतामा राख्दै भौतिक पूर्वाधार निर्माण, गुणस्तरीय शिक्षा, सहज स्वास्थ्य सेवा, आधुनिक सिँचाइ व्यवस्था, विद्यालयको सुधार तथा विस्तार, महिला सशक्तीकरण र महिलाको हकअधिकारको संरक्षण, बालबालिकामैत्री कार्यक्रम, छिटो र प्रभावकारी एम्बुलेन्स सेवा तथा व्यवस्थित बजार व्यवस्थापनलाई मुख्य प्राथमिकताका रूपमा अघि सारेका छन्।
Advertisement 2
इन्जिनियर जायसवालका अनुसार विकास कुनै व्यक्ति वा समूहको नभई सम्पूर्ण नगरवासीको साझा अभियान हो। नागरिकको सहभागिता, पारदर्शिता, सुशासन र उत्तरदायित्वका आधारमा कृष्णनगरलाई नमुना नगर बनाउने आफ्नो प्रतिबद्धता रहेको उनले बताएका छन्।
स्थानीय स्रोत, सीप र सम्भावनाको अधिकतम उपयोग गर्दै रोजगारी सिर्जना, सेवा प्रवाहमा सुधार तथा दीर्घकालीन विकास योजनामार्फत कृष्णनगरलाई समृद्ध नगरका रूपमा स्थापित गर्ने लक्ष्य रहेको उनको भनाइ छ।
Advertisement 3
स्थानीय नागरिकले पनि विकास, सुशासन र सेवा प्रवाहलाई केन्द्रमा राखेर प्रस्तुत गरिएको यस दृष्टिकोणप्रति चासो व्यक्त गरिरहेका छन्। आगामी दिनमा यी प्रतिबद्धता व्यवहारमा कसरी कार्यान्वयन हुन्छन् भन्ने विषयलाई नगरवासीले नजिकबाट हेर्ने अपेक्षा गरिएको छ।
प्रतिक्रिया दिनुहोस्