काठमाडौँ, असार २ — पतञ्जलीको जग्गा सट्टापट्टा प्रकरणमा अख्तियार दुरुपयोग अनुसन्धान आयोगले भ्रष्टाचार मुद्दा दायर गरेसँगै पूर्वप्रधानमन्त्री तथा नेकपा (एकीकृत समाजवादी) का अध्यक्ष माधवकुमार नेपाल संघीय सांसद पदबाट स्वतः निलम्बनमा परेका छन्।
Advertisement 1
अख्तियारले मंगलबार विशेष अदालतमा दायर गरेको मुद्दामा नेपालको नाम प्रमुख अभियुक्तका रूपमा समावेश गरिएको छ। नेपालको इतिहासमा यो पहिलो पटक कुनै पूर्वप्रधानमन्त्रीविरुद्ध भ्रष्टाचारसम्बन्धी मुद्दा दर्ता भएको हो।
मन्त्री परिषद्को सामूहिक निर्णयका आधारमा भएको सरकारी निर्णयमाथि अख्तियारले सीधै मुद्दा दायर गर्नु पनि संवैधानिक अभ्यासको हिसाबले पहिलोपटक भएको उल्लेख गरिएको छ। यसले आगामी दिनमा नेपालको कानुनी तथा राजनीतिक क्षेत्रमा नयाँ दृष्टान्त स्थापना गर्न सक्ने विश्लेषकहरूले बताएका छन्।
Advertisement 2
पतञ्जली समूहलाई लाभ पुग्ने गरी सरकारी जग्गा सट्टापट्टा गरिएको आरोपमा यो मुद्दा दायर गरिएको हो। यसमा संलग्न अन्य उच्चपदस्थ सरकारी अधिकारीहरूविरुद्ध पनि अनुसन्धान भइरहेको अख्तियारले जनाएको छ।
हालका लागि माधवकुमार नेपालले कुनै सार्वजनिक प्रतिक्रिया दिएका छैनन्। तर, नेकपा (एकीकृत समाजवादी) भित्र यस विषयमा आकस्मिक बैठक बोलाउने तयारी भइरहेको छ।
प्रतिक्रिया दिनुहोस्