रुपन्देही/धन्नजय उपाध्याय
लगातारको मुसलाधार बर्षाको कारण घाघराखोला मा आएको बाढीले बनाउँदा रुपन्देही मा दुई जना बेपत्ता भएका छन् । बेपत्ता हुनेमा एक पिकअप ड्राइभर र एक सहचालक गरी दुईजना मान्छे रहेको जिल्ला प्रहरी कार्यालयले जनाएको छ ।
शनिबार बिहान करिब 3 बजे सम्मरीमाँई गाउँपालिका वडा नम्बर ५ स्थित रोईनियाहावा तिवारी दूध सङ्कलन डेरीबाट दुध लिएर बुटवलतर्फ जाँदै गरेकोमा गौतम बुद्ध अन्तर्राष्ट्रिय विमानस्थल को पछाडि बाटोबाट जाँदा बाटोमा पानी को बहाव तेज भएकोले पिकअप सहित दुई जना मान्छेलाई बाढीले बगाएको छ ।
अहिलेको अवस्था हेर्दा साथै बगिएको गाडी (पिकअप) भे १ च २६७६ नम्बरको गाडी शनिबार बिहानदेखि बाढीमा हराइएको लगभग १३ घण्टापछि भेटिएको छ । साथसाथै हराइएकोमा चालक प्रकाश तामाङ र सहचालक उमेश लोध भने अझै बेपत्ता रहेका जिल्ला प्रहरी कार्यालय रूपन्देहीले जनाएको छ ।
अहिले २४ घण्टा भन्दा बढी भएको तापनि चालक र सहचालकलाई पत्ता लगाउन असमर्थ रहेका छन्। गोताखोर प्रहरी द्वारा लगातार खोजी कार्य भइरहेको छ। शनिबारदेखि नै नेपाल प्रहरी, नेपाल सशस्त्र प्रहरी, नेपाली सेना, गोताखोरको टोलीले लगातार खोजीकार्य गरिरहेको थियो अहिले पिकअप मात्रै भेटिएको छ ।
प्रतिक्रिया दिनुहोस्