मिति २०८०/०९/२० शुक्रबार का दिन सम्मरीमाँई गाउँपालिका वडा नम्बर ३ मा जेष्ठ नागरिक एकल महिला तथा अपाङ्गहरूलाई सम्मान कार्यक्रम सफलतापूर्वक सम्पन्न भएको छ ।
यो कार्यक्रमको आयोजक सम्मरीमाँई गाउँपालिका वाड नं ३ को वडा कार्यालय अन्तर्गत सम्पन्न भएको हो । यस कार्यक्रम अन्तर्गत जेष्ठ नागरिक एकल महिला विधवा महिला र अपाङ्गहरूलाई सम्मानको निम्ति न्यानो कम्बल वितरण गरी सहयोग गरिएको वडा नम्बर ३ को वडा अध्यक्ष अदहम अलि देवान ले जानकारी दिएका छन् ।
देवान भन्छन् जेष्ठ नागरिक सम्मान हाम्रो पहिलो कर्तव्य हुनुपर्दछ । जबसम्म हामीहरुले जेष्ठ नागरिकलाई सम्मान गर्दैनौँ भने हाम्रो केही अस्तित्व रहँदैन हाम्रो संस्कृति हाम्रो परम्पराले सिकाउँछ ठूलोलाई सम्मान र सानोलाई माया गर्नुपर्दछ ।
यो कार्यक्रम सम्मरीमाई गाउँपालिका प्रमुख प्रशासकीय अधिकृत, गाउँपालिका अध्यक्ष, कार्यपालिका सदस्य, वडा सचिव , वडा सदस्य र अन्य बलाभद्र सम्मानित व्यक्तिहरूको उपस्थितिमा कार्यक्रम सम्पन्न भएको वडा अध्यक्ष अदहम अलि देवान ले जानकारी दिएका छन् ।
प्रतिक्रिया दिनुहोस्